پہلے ابو غصے میں مارتے تھے اور آج کے ابو۔۔۔۔۔۔ پہلے اور آج کے دور کے باپ میں کیا فرق ہے؟

وقت کے ساتھ ہر چیز  ہی بدل جاتی ہے مگر کہتے ہیں والدین کھبی نہیں بدلتے" لیکن اگر دیکھا جائے تو اب والدین بھی بدل گئے ہیں یہ بات آپ کو شاید بری لگ رہی ہوگی مگر یہ جان لینا ضروری ہے کہ والدین بدل کیسے گئے ہیں

ہم یہاں والدین کی تبدیلی کے حوالے سے نہیں وقت اور حالات کی تبدیلی سے وادین کے بدلتے رویوں کے بارے میں آپ سےہم کلام ہیں۔

ماضی کا ایک وقت ایسا ہوتا تھا جب ابو گھر میں آتے تھے تو بچوں اور گھر والوں کی جان نکل جاتی تھی ہائے ابا گھر آگئے ہیں اب تو کسی قسم کا کوئی شور یا کان پڑی آواز بھی اگئی تو ابو نے ڈانٹ دینا ہے۔

بچے ڈر کے مارے کونے کدروں میں گھس جایا کرتے تھے (کیوں۔۔۔۔۔۔۔۔۔؟) اس کی وجہ یہ تھی کہ پہلے کے ابو شدت سے زیادہ غصہ میں بھرے ہوتے تھے' بچوں کی شرارتوں، حرکتوں باتوں اور بچپنے کو زیادہ بڑھاوا نہیں دیتے تھے بلکہ انھیں ایک سنجیدہ اولاد بنانے کے لیے کام کرتے تھے' ایسا نہیں تھا کہ ابو بچوں سے محبت نہیں کرتے تھے ان کا خیال نہیں رکھتے تھے مگر حقیقت یہ تھی کہ پہلے کے ابو اپنے جذبات اور احساسات کا کھل کر بچوں سے اظہار نہیں کرتے تھے وہ کم گو ہوا کرتے تھے' نہ وہ بچوں کے ساتھ کھیل کود میں دلچسپی اتنی رکھتے تھے اور ان کو گھمانے پھرانے میں بھی وقت صرف زیادہ نہیں کرتے تھے۔

اب کچھ بات ہوجائے آج کے ماڈرن ابو کی۔۔۔۔۔۔۔۔۔۔۔۔۔۔۔۔۔۔۔؟

آج کل کے ماڈرن ابو ماضی کے بورنگ اور سنجیدہ ابو سے بہت زیادہ مختلف ہوگئے ہیں کہیں نہ کہیں اس کی وجہ یہ بھی رہی ہے کہ ابو کے ابا سخت مزاج تھے ابو وہ اٹکھیلیاں نہیں کرسکے اور یوں ماڈرن ابو نے وقت کے ساتھ اپنے تجربے اور شوق سے بچوں کے لیئے گھروں میں دوستانہ ماحول پیدا کردیئے ہیں۔ اب ابو اپنے بچوں کے ساتھ کھیل کودتے بھی ہیں ان کو گھمانے پھرانے میں بھی وقت دیتے ہیں بلکہ ساتھ ہی آپ کو ڈانٹے بھی کم ہیں اور جب آپ کوئی غلط کام کردیں تو شامت بلانے سے پہلے آپ کی ساری بات سنتے ہیں آپ کو بولنے کا موقع دیتے ہیں کیونکہ آج کل کا ڈپریشن کا ماحول اس قدر بڑھ گیا ہے کہ بچوں کے دماغی اور ذہنی مسائل حد درجہ بڑھنے لگتے ہیں۔ اس ماحول میں ہر کوئی جلدی دل برداشتہ ہوجاتا ہے یہی وجہ ہے ان تمام سماجی و ذاتی مسائل کا موازنہ رکھتے ہوئے بھی آج کے ابو بہت بدل گئے ہیں۔ اب ابو گھر میں رہیں تو بھی بچوں کے ساتھ دوستوں کی طرح رہتے جبکہ باہر گھمانے لے کر جائیں تو بچوں کے لیئے کوشش کرتے کہ ان کو بور نہ کریں۔

پہلے اور آج کے دور کے باپ میں کیا فرق ہے

سماجی ماہرین کہتے ہیں کہ

اگر والدین خود کو وقت کے حساب سے نہ بدلیں تو ان کی نسلیں ڈپریشن سے احساسِ کمتری کا شکار ہوجائیں گی

اب کے ابو اپنے بچوں کے ساتھ مل کر بیگمات کو چھیڑ چھاڑ کر رہے ہوتے ہیں اور ساتھ بچوں کے آُپسی تعلقات اور دوستیوں کے بارے میں بھی آزادانہ بات چیت کر رہے ہوتے ہیں۔ یہ تمام وہ عام فرق ہیں جو اب کے ابو اور ماضی کے ابو میں مختلف ہیں۔